Драги мајки, 

Девет месеци ќе бидете дом на вашето бебе, дом во кој треба да се чувствува удобно, пријатно и сигурно. Девет месеци тоа ќе биде вашиот животен партнер, девет месеци заедно ќе делите сé. Тогаш направете овие девет месеци да бидат најубавите во вашиот живот, не само за вас туку и за вашето бебе. Ова време поминато заедно да биде убаво дружење, исполнето со квалитет, среќа и љубов, покажувајќи му на своето бебе уште во првите месеци дека животот е убав.

КАКО ЈОГАТА И ПОМАГА НА ИДНАТА МАЈКА?

Техниките се лесни, едноставни и делотворни и прилагодени на овој чувствителен период од животот на жената.  Програмата за бремени жени по која се работи во Јога-сојузот на Македонија е резултат на долгогодишно искуство и се спроведува под водство на наставници посебно обучени за оваа област. Часовите можете да ги посетувате по третиот месец од бременоста.

  ВО ТЕКОТ НА БРЕМЕНОСТА

• Телото се одржува во добра форма, свесноста за телото се зголемува, метаболизмот се урамнотежува

• Дишењето се освестува и контролира, се постигнува телесна и ментална отпуштеност

• Се развива позитивен ментален став

• Контактот со бебето станува посвесен

ВО ТЕКОТ НА ПОРОДУВАЊЕТО

• Подобра комуникација меѓу телотo и умот

• Подобра контрола на различни групи мускули

• Правилно користење на дишењето

• Свесно отпуштање помеѓу контракциите и обновување на енергијата

• Подобра соработка со лекарот   

ПО ПОРОДУВАЊЕТО

• Побрзо враќање на телото во добра форма

• Поефикасно справување со промените во расположението

• Одржување на внатрешната смиреност, што се пренесува и на бебето

• Успешно услогласување на  другите обврски со грижата за бебето и за себе