Часови во ОУ "Димитар Влахов" (Сењак)

ПОЧЕТЕН КУРС: понеделник и четврток од 18.30

СРЕДЕН КУРС: понеделник и четврток од 20.00

ЈОГА ЗА ДЕЦА: среда од 19.00

ИСТОРИЈА

Друштвото е основано на 17.11.1989 година, негова цел е теоретско и практично запознавање на граѓаните со вредностите на јогата, сорабока со институциии во областа на образованието, здравството, културата, спортот и граѓанските здруженија.

Досегашни поважни активности:

• континуирано одржување на почетни, средни и напредни курсеви по јога  кои досега ги посетувале голем број граѓани на Штип

• специјализирани курсеви за деца

• искуствата од работата со деца беа сублимирани во две научни истражувања направени во соработка со Научно – истражувачкиот совет при Јога сојузот на Македонија. Едната студија на тема „Јога за деца на училишна возраст“ е презентирана на 5.Светски конгрес за јога и холистичка медицина, 1994 год. во Анси, Франција и на Првиот научен собир за јогата со меѓународно учество „Науката и духовноста на крајот на 20-от век“, одржан во јуни 1997 год.во Охрид. Втората студија на тема „Примена на јогата во подобрување на психофизичкиот развој на децата во основното образование“ е изработена во ноември 2009 год. Проектот кој опфаќаше практичен тримесечен курс за деца и истражување, беше поддржан од Фондацијата за развој на локалната заедница – Штип.

• специјализирани курсеви за јогиска релаксација со антистрес програм

• специјализирани курсеви за јогиска концентрација и медитација

• многубројни јавни воведни предавања

• циклус емисии за јога на Радио Штип

• гостување во емисии на Радио Канал 77

• емисии за ефектите од јога и активностите на Јога друштво – Штип на ТВ Теко, ТВ Ирис и ТВ Стар

• организирање на изложба уметнички фотографии на тема јога, во Домот на културата „Ацо Шопов“, во 1994 г.

• промоција на списанието „Јога-здравје и хармонија“ во Безистенот, во рамките на Штипско културно лето во 1995 г.

• во рамките на одбележувањето на 20–годишнината од работењето на Друштвото, во големата сала на Советот на Општината, се одржа еднодневен семинар со Учителот Павлос К Хасанагас во октомври 2009 г.

• промоција на книгата „Јога – духовна одисеја“ од Учителот Павлос К. Хасанагас во градската библиотека, во февруари 2010 г.